ليه الولد احسن من البنت (شئ طبيعي )!!

[THUNDDER]

يااريت اللي يقرا الموضوع من غير زعل

هنتكلم في موضوع مهم جدااااااا.........
و حيبقى فى ضرب نار..........
بس على مين ؟
و لا يهمنى طبعا
طبعا هو مش سبب واحد لإن فى أسباب كتير تخلى الولد أحسن من البنت
و مش حقدر أقولها كلها إنما أنا حقول شوية منها على سبيل المثال يعنى
طبعا البنات دلوقتى زمانهم اتنرفزوا .
. لو اتنرفزتوا من دلوقتى على آخر الموضوع
حتخبطوا راسكم فى الحيط






أولاً: لما ييجى الولد يخرج كبيره عشر دقايق
و يكون جاهز و متشيك و متأيف و آخر حلاوة.
. إنما هى تفضل قاعدة قدام المراية ييجى نص ساعة - ده بالميت - عشان تجهز
يكون طبعا الحاج اللى واقف بره مستنيها اتنفخ و ضغطه على عليه.





ثانيا:لما يحب الولد ينزل البحر مثلا العملية بالنسبة ليه مش بتبقى مشكلة إنما العملية بالنسبة ليهم بتبقى مشكلة






ثالثاً: الولد حر عندنا هنا فى المجتمع الشرقى يخرج يسهر يروح ييجى إنما البنت لأ
تحكمها العادات و التقاليد و غيره و غيره







رابعاً: لما يرن جرس تليفون و ييجى للغلبان تليفون مبياخدش النليفون مدة أكتر من خمس دقايق
إنما حضرتها تفضل تتكلم بالساعات و نكتشف فى الآخر إن النمرة غلط
و يبقى الوالد يا عينى بيعانى من الضغط
و يستلف من مخاليق ربنا كلهم عشان يدفع الفاتورة
يا سيدى علينا يا رجالة







خامسا: تاء التأنيث اللى البنات فرحانة بيها دى
دى فى حقيقة الأمر كارثة
هما مش واخدين بالهم منها إزاى ؟
مثلا: الولد>>> مصيب البنت>>> مصيبة
مثلا: الولد>>> عالم البنت>>> عالمة
مثلا: الولد>>> نايب البنت>>> نايبة
مثلا: الولد>>> ماشى البنت>>> ماشية








سادسا: الولد كل ما يكبر بيزداد وقار و شعره الأبيض بيخليه أجمل وأجمل إنما البنت بأه با حسرة عليها
البنت فى أعمارها المختلفة
فى سن العشرين
زى كرة القدم عشرين واحد يجروا وراها
فى سن التلاتين
زى كرة الإسكواش اتنين بس يجروا وراها
فى سن الأربعين
زى كرة التنس كل واحد يرميها على التانى
فى سن الخمسين
زى كرة الغولف كله بيشوطها بعيد
فى سن الستين
ممكن تشتغل حكم و لا إيه؟؟؟



فى النهاية أنا بحمد ربنا إنى ولد و لو لم أكن ولداً لوددت أنا أكون
ولداً

احنا بنهزر اوعي حد يكووون زعل
هههههههه

[اسيرة الاشواق]

.اولا ازيك يا ساندر يا صاحب التوبيكات الجامدة
ثانيا تعالى معايا كدة نفكك التوبيك بتاعك



لو اتنرفزتوا من دلوقتى على آخر الموضوع
حتخبطوا راسكم فى الحيط
اولا النرفزة مش هيبقى ليها وجود
لان انت بتقول راى ومن حقك علينا نسمعة
ونفكر فية ونشوف صح والا غلط





أولاً: لما ييجى الولد يخرج كبيره عشر دقايق
و يكون جاهز و متشيك و متأيف و آخر حلاوة.
. إنما هى تفضل قاعدة قدام المراية ييجى نص ساعة - ده بالميت - عشان تجهز
يكون طبعا الحاج اللى واقف بره مستنيها اتنفخ و ضغطه على عليه.
موضوع انها تقف ادام المراية كتير دة
فهو مش عيب ومتنكرش انها بعد ما تقف ادامها بتكون شيك وجميلة
عشان تعجب الاستاذ الى مستنيها والا اية
غير كدة لو الاستاذ الى بيتنرفز وضغطة بيعلىعارف انها بتتاخر
يبقى يقولها قبل ميعادة بفترة عشان تجهز ومش تاخرة
غير كدة بقى فى ولاد كتير اوى بياخدوا وقت ادام المراية
وطبعا متقدرش تنكر كدة والا اية


ثانيا:لما يحب الولد ينزل البحر مثلا العملية بالنسبة ليه مش بتبقى مشكلة إنما العملية بالنسبة ليهم بتبقى مشكلة
هنا بقى اية المشكلة بالنسبة ليها عادى تنزل البحر
هتقول البس مش فيها مشكلة ممكن تلبس لبس عادى وتنزل البحر
هتقول لوحدها بسيطة تنزل ومش تبعد بعيد عن اهلها وتاخد اصحابها او اخواتها معاها





ثالثاً: الولد حر عندنا هنا فى المجتمع الشرقى يخرج يسهر يروح ييجى إنما البنت لأ
تحكمها العادات و التقاليد و غيره و غيره
الحكاية دى فين المشكلة فيها وهنا مفيش حاجة اسمها عادات وتقاليد فى حاجة اسمها عقل
اهنا فى مجتمع بقى دالوقتى ماشاء الله الجرايم عددها ملوش حصر
من باب الحفاظ على النفس انها متتاخرش لوحدها
انما لو معاها حد او فى مشوار مهم اتاخرت فية وممكن تتصل بحد يجى ياخدها من البيتفى الحالة دى هى مقتنعة انها بتحافظ على نفسها مش حكاية تقيد







رابعاً: لما يرن جرس تليفون و ييجى للغلبان تليفون مبياخدش النليفون مدة أكتر من خمس دقايق
إنما حضرتها تفضل تتكلم بالساعات و نكتشف فى الآخر إن النمرة غلط
و يبقى الوالد يا عينى بيعانى من الضغط
و يستلف من مخاليق ربنا كلهم عشان يدفع الفاتورة
يا سيدى علينا يا رجالة
موضوع التليفون الى مزعلك اوى اكتر تليفونات الاولاد ايوة يا صاحبى انا تحت البيت انزلى
اوا انا مستنيك على المشاية ههههههههه كمثال يعنى او فى النادى او اى حتة
وفى الاول والاخر محدش قلك قصر فى الكلام
انما البنت عادة مش بتخرج كتير فبتكلم صاحبتها وتحكى معاها شوية مخنوقة مضايقة
بتهيالى من حقها انها تحس بالناس بدل ما هى فى البيت دايما







خامسا: تاء التأنيث اللى البنات فرحانة بيها دى
دى فى حقيقة الأمر كارثة
هما مش واخدين بالهم منها إزاى ؟
مثلا: الولد>>> مصيب البنت>>> مصيبة
انا معرفش يعنى اية ولد مصيب انما البنت عمرها ماكانت مصيبة
مثلا: الولد>>> عالم البنت>>> عالمة
اية المشكلة انها تكون عالمة ومتنساش عالم او عالمة مش بيتكتبوا او يتقالوا
غير وجنبهم المجال العلمى الى متخصص فية سواء بنت او ولد
مثلا: الولد>>> نايب البنت>>> نايبة
اولد تانيث نايب الى هى نائب يعنى نائبة مش نايبة
وبردة بيتكتب نائبة عن اية مش بتتكتب لوحدها كدة
مثلا: الولد>>> ماشى البنت>>> ماشية
مش فى هنا مشكلة انها تكون ماشية وبتقول معاها رايحة فين مش مع نفسها كدة








سادسا: الولد كل ما يكبر بيزداد وقار و شعره الأبيض بيخليه أجمل وأجمل إنما البنت بأه با حسرة عليها
البنت فى أعمارها المختلفة
فى سن العشرين
زى كرة القدم عشرين واحد يجروا وراها
فى سن التلاتين
زى كرة الإسكواش اتنين بس يجروا وراها
فى سن الأربعين
زى كرة التنس كل واحد يرميها على التانى
فى سن الخمسين
زى كرة الغولف كله بيشوطها بعيد
فى سن الستين
ممكن تشتغل حكم و لا إيه؟؟؟
اما كل دول فنقول عليهم الكلمتين دول
الست او البنت الجميلة والمهذبة الناضجة وبتقدر تفكر بتفضل طول عمرها بنفس القيمة وتقدر تشد انتباة اى شخص فى اى مرحلة من مراحل عمرها
بس متنساش ان بيجى وقت سواء على الستات او الرجالة بيكونوا محتاجين معاملة
خاصة :thumbup1:





فى الاخر خااااالص بقى كويس انك اتولدت ولد عشان لو مش كنت ولد
مش كان هيبقى فى حد جميل كدة اسمة ساندر منور المنتدى بتوبيكاتة
عارفة انى طولت وغلست عليك وتقلت دمى كمان
بس يلا بقى :bm::bm: :bm:

تسلم الايادى :ongue:

[ايناس]

اخرتك علي ايدي ياساندر دا تاني موضوع تعمله لتهزيق البنات وانا قلت اعديها المرة الاولانيه بس شكلك كدا مش ناوي علي الخير ومش تخليني اعلن الحرب عليك

[THUNDDER]

ميرسي اسيره الاشواااق
بصراااحه انا اتخنقت
هههههههههه
بس بجد ميرسي علي ردك دايما مثبتاااني في ردودك

ميرسي ايناااس
بصي انا مش بخاااف من حدريال مدريد: روبينيو لن يرحل
ههههههههههههه
بس انا قولت شويه للشباب وشويه للبناااات
اصل مش ينفع المواضيع كلها تبقي للشباب

[اسيرة الاشواق]

ههههههههههههههههه
ماشى يا ساندر
وعد منى مش هخنقك تانى

[THUNDDER]

هههههههههههههههه
لا والله ما اتخنقت
ازاي وااحد يتخنق من قمر زيك

[Lost Angel]

تم نقل الموضوع للقسم المناسب