هل تثق بمن تحادثهم على الانترنت ؟

[اسيرة الاشواق]

الموضوع دة عجبنى
فية كل الاسئلة الى بتيجى على بالى شوفوة معايا وعايزة رايكم
هل تــثق بمن تحدثهم عـبر الانترنــــــت .. ؟


عـندي كام سؤال واتمنى من كل الاعضـاء
ابـداء رأيـهم بكل صراحة ومن غير مجاملات

كـثير منا يدخل الى شبكة الانترنت ، من خلال المنتديات
والمواقع يلتقي كــل منا بعدد ليس بقليل من الناس .. ويحدث بينهم كلام ،،،

محادثة بين شاب وفتاة ..
محادثة شاب مع شاب ..
محادثة فتاة مع فتاة أخرى ..

ولكن السؤال000
هل تثق بمن تحادثه على الانترنت ؟؟
هل تثق بأن من تحادثه صادق ؟؟
هل تثق بأن من تحادثه لا يخدعك ؟؟
وكيف تفرق بين الانسان الصادق والكاذب ؟؟

وسؤال يتبعه سؤال000

هل من الممكن أن تصل هذه الثقة لاقامة صداقة أو علاقة أيا كانت ؟؟

هل من الممكن ان تصل بك الثقة لاخبار الشخص الاخر بأمور شخصية عنك ؟؟

هل تصل الثقة لان تقابل من تحادثه دون خوف ؟؟

هل تصل الثقة بأن تحدثه بالتليفون ؟؟

أرجــو مــن الجميــع التفاعـل وابــداء أراءهم بكل صراحة
:18: :18: :18: :18: :18: :18: :18:

[lewo nardo rewo]

بصراحة

اكيد بس بعد محادثات طويلة لحد ما اعرف انة يستحق الثقة دي

ممكن اقيم معاه علاقة

اكيد ممكن اقولة ،،، ادية معلومات عني

اه ممكن اقابلة كل فترة كدة

ممكن ادية رقم موبايلي ( هادية رنة بس )

[MERAMADA]

انا عمرى ما اثق بأى حد اكلمه على النت سواء كان شات او غيره
لان دى حاجه معروفه
الولد بيدخل على اساس انه بنت علشان يكلم بنات
او علشان يشتغل واحد صاحبه
والبنات بيدخلو باسماء رجاله علشان يتفادو معاكسات الشباب

بس فى قله من اللى بكلمهم بثق فيهم
بس الثقه ليها حدود
وممكن فعلا استشيرهم فى امور شخصيه
لكن متوصلش انى كل واحد او واحده اكلمها
احكيلها عن حياتى

وفى ناس ممكن تحس بصدقها من طريقه كلامها
او من طريقه التعارف
يعنى لو شات
فدا بره اللعبه خالص
لكن مثلا لو من منتدى محترم زى تيفا فده ممكن

[THUNDDER]

بصراحة

اكيد بس بعد محادثات طويلة لحد ما اعرف انة يستحق الثقة دي

ممكن اقيم معاه علاقة

اكيد ممكن اقولة ،،، ادية معلومات عني

اه ممكن اقابلة كل فترة كدة

ممكن ادية رقم موبايلي ( هادية رنة بس )

علي فكره مش كله كدا ومش اي حد يستحق ان انا اكلمه وبعدين كل وااحد بيبان من كلامه
وبعدين انا اشوووف هو يستحق الثقه ولا لأ
lewo nardo rewo جاب من الاخر

توووبك جاااامد اسيره الاشواق:thumbup1:

[chemi_mizo]

فعلا عندك حق يا "THNDDER" كل واحد بيبان من كلامه معاك

وفى الأخر من رأيى انك لك عقل يدلك هل انت بتضيع وقت مع اللى بتكلمه ف الفاضى ولا ده فعلا صاحب يستاهل الثقـه
.......وساعات بتحصل وتلاقى اللى كلمته ممكن تقابله ف يوم من الأيام.
بس اللى يزعل لو شخصيته االلى بكلم بيها ع الشات غير الحقيقه ؟؟

عشان كده حكم عقلك وقلبك انت بتكلم مع مين ؟؟؟؟؟؟؟؟؟؟؟؟؟؟؟؟

[la princesse]

على فكرة مفيش فرق كبير بين النت والواقع
الخداع موجود فى الاتنين
وبتحصل كتير ان الواحد يبقى مصاحب واحد حوالى 10 سنين ويكتشف انه بيخدعه
وفى ناس اساتذة فى الكدب والخداع سواء على النت او فى الواقع

[اسيرة الاشواق]

مرسى جدا يا جماعة على مروركم
وردودكم الجميلة
التوبيك نور بيكم :18: