يوميات صعيدى بيحب بنت استايل فالجامعه

[اسير القلوب]

الرابط لايظهر فى الأرشيف
نبتدى بالحلقة الاولى



احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة



(اثناء ما المحاضرة شغالة ونور شغالة كتابة واحمد هيموت عشان مش معاه قلم)



احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك



(نور عشان رقيقة سكتت ومش عرفت ترد على بجاحة احمد وانتهت المحاضرة )



اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي



(نور بتحكي مع زميلتها من كلية تانية على احمد )



نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك



خلص اول يوم في الجامعة وقبل النهاية بدقايق



احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف



سابته ومشيت .....وقال



احمد: عليكي يا شيخة وعلى هالة وعلى الجامعة كلتها....وبرضه خطك زي الزفت



عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل



لو عجبتكم ان شاء الله هكملها

[WebCraker]

جميلة والله . . . كمل ,

[اسير القلوب]

شكرا لمرورك وانت شجعتني بس اما اشوف كده فيه كتير متقبلنها ولا لا ..... فيه كتير هيكتبوا ردود ولا لا:shades::shades:

[عبدالرحمن م]

جميلة جداً جداً وياريت تكملهالنا بكرة

[hagar]

الله ايه الجمال ده
بجد عسل اوى وتسلم ايدك
وياريت تكملها لينا بجد حلوة

[Hima77]

جميييييييييييييييييييييييييله
أوي وعاوزين الجزء الثاني ميرسي:18::ongue::bc:

[اسير القلوب]

شكرا اوي لمروركم كلكم وجاري تاليف الجزء الثاني

[MERAMADA]

ياريت بسرعه علشان شكلها هاتبقى يوميات مثيره جدا

[ايناس]

جميله جدا يااسير كمل ياجميل

[chemi_mizo]

تسلم ايدك يا فنان .............أيه الحلاوه دى:thumb::thumb::thumb:

[اسير القلوب]

يااااااااااااه مفيش حد رد تاني افهم من كده انها مش عاجبه الكل

[chemi_mizo]

عيب عليك يا فنان .......اوعى تقول كده ........ممكن تكتب اللينك بتاعها ف التوقيع بتاعك وكده المشاركات هتزيد وكمان المشاهدات ...........
وبعدان يا سيدى فــين الجزء التانى ......الناس كلها بتقولك .....كمل

[اسير القلوب]

يا يا شيمي ميغسي بوكو دايما رافع معنوياتي:bc::bc:

[اسير القلوب]

ان شاء الله الجزء التاني انهارده

[chemi_mizo]

تـــــــــــمام يا برنس الليالى .....وأحنا منتظرين ابداعك يا فنان :clap::clap::clap:

[lolo_logo]

فين يا جماعة الجزء التانى

الموضوع جمييييييييييل جدا

[Eng.Shapon]

الموضوع جميل والله
فكره جديده من نوعها

الجزء التاني امته كده ان شاء الله
كده مش هينفع يا اسير
كده الناس هتزعل لو معملتش الجزء التاني بسرعه




تقبل تحياتي ...

[newboy00]

ايه الى انت عامله ده يا عبقرى زمانك انت مؤلف ولا ايه

[ندى عادل]

GOOD STORY
مستنيين الى بعد كده
SANDY