فى رأيك ايه السبب وراء احتراق مبنى مجلس الشورى

[عبدالرحمن م]

طبعاً كلنا سمعنا الخبر وهو

نشوب حريق ضخم بمبنى مجلس الشورى

ولحد منا قاعد بكتب دلوقتى لسة فيه ناس الله يكون فى عونهم بيكافحوا عشان يسيطروا عالحريق

ومفيش فايدة

المطافى مش عارفة تدخل والحكاية بايظة

فى رأيك انت ايه السبب وراء الحريق الغريب ده

؟

[ايناس]

هما الحمد لله سيطروا عليه بس بعد ايه بقي يلا الحمد لله ان الخساير في الارواح مش كبيره يعني كام مصاب كدا "حالات اختناق"

اعتقد انه اهمال ومع الاهمال عوامل اخري

يعني اولا اهمال اكيد الحريق دا مش منه لنفسه كدا حد كان بيشرب سيجار او ماس زي ما بيقولوا الله اعلم ومع دا انه مفيش اجهزة انذار حديثه ومفيش حد مدرب علي اطفاء الحرائق او التصرف في مواقف حرجه زي ما بيقولوا برضو

بجانب دا كله بقي الورق والسجاد والموكيت والخشب "الخشب " دا بقي مشكله كبيرة لان المبني كله من الخشب ودا طبعا كله ساعد في ازدياد اشتعال النار

ربنا يرحمنا برحمته

[عبدالرحمن م]

ربنا يرحمنا برحمته

آمين يارب العالمين والحمدلله ان الحكاية خلصت

وشكراً لردك

[Muhamed]

قلبوا فى صفحات التاريخ حول نقل مجلسى الشعب والشورى من منطقه وسط البلد ليكونوا فى اكتوبر تقريبا

كمان هيا هتيجى على المجلسين مهو بعديهم بكام متر مجمع التحرير الشهير اللى بخ مبقاش مجمع خلاص ولا فيه هيئات ولا وزارات
كله بيتغير

وسط البلد مبقاش فيها مكان لهيئات الدوله وعلى راسها المجلسين بتوع الشعب والشورى

ادى الشورى انتهى

وكان هيروح فيها الشعب فى الرجلين بس ربنا ستر

ياله اهى حجه للنقل دون خروج اصوات مزعجه كتير

[lewo nardo rewo]

يا خسارة مفيش حد من الوزراء ......

شكرا لموضوعك

[عبدالرحمن م]

شكراً لمروركم ولإبداء الرأى

[MohanneD]

ولا سيطرو على الحريق ولا نيلة
لسه لحد النهاردة الدخان طالع منه بكميات كبيرة
هم تقريبا هيبيعو الأرض دى بمبلغ وقدره
ويعملو مجلس جديد فى التجمع الخامس جنب الفيلات بتاعت السادة الكرام :d
عشان كل واحد يصحى من النوم يروح بالبجامة يغسل وشه فى المجلس الموقر
ويقول كلمتين ويرفع ايده ويسقف ويأزأز لب ويروح
ودمتم ........

[عبدالرحمن م]

لأ ما هما سيطروا عالحريق انما الدخان بقى لسة على 2010 كده يكون خلص

حلوة أوى فكرة البيجامة دى

[The_boss22]

هم تقريبا هيبيعو الأرض دى بمبلغ وقدره
ويعملو مجلس جديد فى التجمع الخامس جنب الفيلات بتاعت السادة الكرام :d
عشان كل واحد يصحى من النوم يروح بالبجامة يغسل وشه فى المجلس الموقر

هيبعوها بكام طيب علشان اخش المزاد أصلا ناوي اعمل هناك مول
هبيع فيه لب وقشطه

والله انا كنت في بعمل جلسه علاج طبيعي
وقاعد بستني الدور لقيت واحد جمبي
بقولي هوا المنظر ده فين
بصراحه كان فيه لوحه علي الحائط
قولت ليه معرفش :D
قال لأ التفي قولت اةة لأ متحطش في دماغك
ده مجلش الشوري عادي مش جديد يعني

[عبدالرحمن م]

والله انا كنت في بعمل جلسه علاج طبيعي
وقاعد بستني الدور لقيت واحد جمبي
بقولي هوا المنظر ده فين
بصراحه كان فيه لوحه علي الحائط
قولت ليه معرفش :D
قال لأ التفي قولت اةة لأ متحطش في دماغك
ده مجلش الشوري عادي مش جديد يعني


هههههههههههههههههههههههههههههههههه

سكراً جزيلاً لردك

[la princesse]

اولا : انا لله وانا اليه راجعون
ثانيا الحكاية دى اكيد بفعل فاعل
واللى عملها قاصد حاجة من اتنين
اما انه عايز يتخلص من ورق مهم هيضر ناس كبار
او صرخة انذار لثورة كبيرة

اما لو كان الموضوع اهمال وفى مكان زى ده تبقى مصيبة اكبر


وبما ان الراجل الكبير قال ان كل الاوراق اللى كانت فى المبنى صور
واصولها فى المبنى الرئيسي
وطبعا لن يرد كلامه
يبقى خلينا فى باقى الاحتمالات احسن:ohmy:

[عبدالرحمن م]

والله الإحتمالات كلها تحير