من فوق عمرو خالد ومن تحت عمرو دياب

[كده تمام أوى]

الرابط لايظهر فى الأرشيف



الرابط لايظهر فى الأرشيف


لمن يجرؤ فقط , تحدى لكل القوانين , تحدى لكل الاوضاع الغلط والظواهر اللى مش راضيين عنها , تحدى للخجل , تحدى للجبن , رافعين شعار مش هنخاف مش هنطاطى , إحنا كرهنا الصوت الواطى , فى محاولة تيفاوية لجعل الموضوعات أكثر فاعلية .






ملحوظة :

قد يحتوى الموضوع على كلمات خارجة ليس الغرض خدش الحياء ولكن لزيادة فاعلية الموضوع الذى يشغل الجانب الأكبر من الحياة والحياء فى هذا الزمان وآسف على مجمل الكلام ولكن أتمنى إثارة ضجة لهذا الموضوع الخطير والشائك .





إستكمالا للموضوعات السابقة أطرح الآن أمامكم




من فوق عمرو خالد ومن تحت عمرو دياب









هبدأ كلامى بالحديث الشريف , قال رسول الله (ص) :

(ان لم تستحي فاافعل ماشئت)

صدق رسول الله (ص)







نكمل كلامنا فى الظاهره اللى كلنا ملاحظنها وهي لبس البنات المحجبات قصدى اللي بيدعو للحجاب اللي بيمشي مع الموضه




الرابط لايظهر فى الأرشيف
الحجاب عبر التاريخ






ف الصيف ظهرت موضه جديده للبنات وهي البرمودا الضيق اوووي دا اللي بيتلبس فوقيه جيب قصير كده وبدي اضيق من البرومدا ده طبعا باااااااظ ؟ لأنه مينفعش للبنت اللي مش محجبه وما ينفعش مع اي سن او جسم بس بجد اللي صدمني اكتر انه انتشر بين البنات المحجبين ياعني تبص تلاقيه البنت لابسه الطقم دا وعليه حجاب اسبنش ومخرجه من الاسبنش خصله شعر علشان تكمل جمال الطقم طبعا لانه مش هايبان جماله الا بخصله الشعر دي وتقللك انها محجبه ؟






طيب تجي ازاااااااااااي





يا ناس حد يفهمني حجاب ايه دا ؟!!! واللي يغيظك اكتر لما تيجي تسلم عليها وتقللك لالالالا انا مابسلمش علشان حرام منين دا ومنين حجابك ولبسك دي حاجه











النوع الاول : للحجاب الموضه



دي بقي البنت اللي بتلبس الحجاب او الاسدال او الخمار مع الموضه وبتفتكر بكده انها دخلت الدين وتعمقت فيه من اوسع ابوابه لانها بيقي سلوكه ز ماهو بس اللي اتغير اللبس مش اكتر .






النوع التاني :للحجاب الالتزام النص نص



دلوقت فى بنات بتلبسه لمجرد ان شكلها حلو فيه ولكن مش عشان دى حاجه دينيه , فى بنات بجد بتخلص فى لبسه وبتكون بتعمل كل حاجه صح بس خصاره مبتصليش ودى اكتر حاجه تخلينى احزن عليها , ببقى بتمنى انها تكمل جميلها وتصلى .








النوع التالت :الحجاب الشرعي

بنات زي الفل ملتزمات بحق وحقيقي وصوره مشرفه للاسلام والحمد لله مافيش كلام عليهم







النوع الرابع : حجاب التوفير

هنا بقي بتفكر البنت ان الاعتناء بشعرها هاياخد وقت طويل وفلوس كمان يبقي البس الحجاب لحد ما شعري يتظبط ودي بقي مش بيكون عندها النيه للالتزام ودول بقي بيكونو ابطال الكورنيش والحدائق وشارع البحر وحوالين كانتين الجمعة وورا زراعة وعلوم والمناظر اللي بتسئ للحجاب بجد .






والنوع الخامس : استنوا كده لما أشوف له إسم


نيجي بقي لنوع تاني من التدين للبنات الكورنيش او الحدائق او النوادي البنت اللى لابسه حجاب ايه وطقم مالوش حل سواء محترم او ضيق او واسع مش هاتفرق هنا اللي هايفرق معانا في النقطه دي التحجب وتركز معاها تلاقيها واقفه علي الكورنيش مع حبيبها حاطط ايده علي كتفها وواقفين ولا اتنين متجوزين بالعقل كده والنبي ازاي محجبه وملتزمه وازاي واقفه كده عرضه لنظرات كل اللي حواليها وكلامهم اللي بيقتل مش بيوجع وساعتها تقولي ماحدش لي حاجه عندي لالالا بصراحه الناس ليها حاجات عندك اهمهم احترامك لنفسك وذاتك واحترام لحجابك ودينك قدام ربنا وإنتى مش عايشة ف الدنيا لوحدك .









الاسدال

ياتري الاسدال دا حجاب شرعي او موضه




الرابط لايظهر فى الأرشيف




كام واحدة كده كنت أعرفهم من زمان أيام ماكنت ف سنة أولى جامعة , كتير جدا من البنات صاحبتهم لابسين الاسدال وشجعوهم انهم يلبسوه بس بصراحه هما اترددوا كتير يلبسوه ولا لأ ,,, لأنهم لازم يكونوا أده وهايكون ليه التزمات وهم مش هيكونوا أده ف الوقت ده , المهم لبسو الاسدال في شهر رمضان السنه اللي فاتت سنة أولى بتاعتى دى .












تعالو بقي نشوف ( ........) بعد سنه




نيجي بقي لي (?) قبل الاسدال بنت عاديه بتلبس زيها زي اي بنت ملتزمه الي حد ما في لبسها , طريقتها مع الناس بس الهزار كان زياده شويه لبس الاسدال في الاول من البيت للجامعة ومن الجامعة للبيت مانعرفش ولا ولد , الكلام معاهم علي قد في حدود الدراسه وبس اه , مرت الايام ورجعت تاني عادي اصحابها بردو ما ينفعش تكسفهم هتعمل ايه طيب خروج وخرجت الجامعة , النهارده تعبانه ومش هاقدر, يوم ورا يوم ابتدت ماتروحش الجامعة , تيجى بقي للتحول الكبير هتقلع الاسدال وهتلبس جيب وعليها تونيك طويل في فرح اخوها اهو بردو محترم , يجي الفرح والتونيك يبقي بدي والحجاب الطويل بقي اسبنش وفضلت علي وضع التونيك والجيبات اتغيرو ورجعت للبس العادي




خساره البنت دى لو كانت كملت كان الباقين كملو كان كل البنات كملت موضوع الاسدال لكن البنت بتدخل على موضوع الاسدال ده وبتتفتكر انو شكلو شيك ومحترم فنفس الوقت






لكن ياخساره بعد فتره بدأت تكتشف غير كده وممكن مش فتره هيا بمجرد ماتشوف بس بنت لابسه طقم كده من اياهم بيبتدى الشيطان بلعب فافكارها ووتحس إن بقى شكلها كبير أوى ف الإسدال ده وعجزت فترجع تفكر انها تقعله تانى







تاني واحده بقي (ب) مافيش شهر والاسدال اتقلع وياريتنا رجعنا زي الاول احنا مشينا مع الموضه بدي نزل جديد لفه طرحه جديده اسبنشات وشعر وفي الاعياد والمناسبات لازم شعري يبان دا عيد ميلادي برده فرح اختي هو انا ليا كام اخت لازم شعري وهاغير لونه كمان





(ج) الاخيره بقي الوحيده لسه علي قرارها لاجل مسمي لسه بالاسدال بس التعامل مع الناس في حدود ( اه الله فى حدود أوى كمان ) وبصراحه عجبني اسلوبها في احترامها للاسدال بس ياتري هاتقدر تكمل بيه حياتها تتجوز وتخلف وتبقي ام وجده بالاسدال ولا هايتلقع علشان الموضه



الرابط لايظهر فى الأرشيف






محاولة تيفاوية لجعل الموضوعات أكثر فاعلية إنضم لينا








رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرااى مش هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح مفيش كلمات جارحه .





هذا رأيي واتمنى اسمع أرائكم وردودكم بكل صراحه :bm:

[كده تمام أوى]

رد سابق لــ la princesse (الرابط لايظهر فى الأرشيف) حذف من أحد مشرفى المنتدى بدون قصدنسألها المعذرة




رغم اهمية الموضوع الا انى شايفة ان الحل بسيط جدا
الجانب اللى الناس شيفاه ان ده خلل اخلاقى عند بنات الجيل ده
لكن لو فى نظرة متعمقة اكتر هنعرف ان دى مشكلة اخلاقية جذورها فى المجتمع كله

يعنى مثلا ايه الفرق بين البنت اللى لبست الاسدال والتزمت بيه وبين اللى اتخلت عنه بسرعة
اكيد التربية والبيئة المحيطة بيها اللى ممكن تشجعها على الصح او الغلط والاصدقاء وايمانها هى بربنا

طبعا ايمانها دى علاقة بينها وبين ربنا مش هنتكلم فيها

اما التربية والبيئة والاصدقاء دى عوامل خارجية اكيد البنت اتاثرت بيها

يعنى مثلا لو كانت شافت مامتها بتلتزم وبتاخد بايدها يمكن كان حالها انصلح

لو كان باباها قالها من وهى صغيرة وعلمها ان البنت المسلمة لازم تكون ملتزمة فى كلامها وتعاملاتها يمكن كان حالها انصلح

لو كان قالها وهى كبيرة مفيش خروج من البيت وانتى بالمنظر ده ومش هتخرجى طول مانتى كده يمكن كان حالها انصلح

واخوها واصدقائها كذلك

يعنى العيب مش فى البنت بس
العيب فى المجتمع كله
والحل ان كل واحد يغير سلوكه ويصلح نفسه عشان اللى حواليه يتصلح

وفى نقطة تانية عايزة اعقب عليها

الاسدال
ده طبعا نموذج للزى الاسلامى الصحيح مفيش كلام
لكن هل اى زى غيره يبقى مش اسلامى؟؟؟
القاعدة الشرعية بتقول ان الزى لا يشف ولا يصف
ودى حاجة ممكن نلاقيها فى حاجات غير الاسدال
بس بردو عشان نكون ادق الاسدال هو القاعدة والاساس والنموذج الاصح
وربنا يهدينا جميعا

[كده تمام أوى]

فعلا يا أميرة أنا أتفق معكى فى كلة نقطة أشرتى إليها
وأؤكد من جانبى أيضا أن النشأة الإسلامية الصحيحة وأهمية التوجيه والإرشاد مثل الصغر وكذلك دور الأم هم اسباب هذه المشكلة ,,,,



ولكن أنا أطرح جزئية معينة هى التى جعلت للموضوع هذه العنوان وهذا الوجود وهى إن البنت ماشاء الله تكون من فوق لابسة طرحة أو إيشارب واللهم لا حسد مفيش ولا شعراية باينة إلا إن الجزء التحتانى بنطلوووووووووووووووون جينز , يعنى محدد معالم جسمها وهى دى المشكلة وموجودة بكثرة فى المجتمع ؟!



ياريت أسمع الردود على النقطة دى بالذات وذلك لأهمية الموضوع ولأن هذا الموضوع تحت منظار أناس آخرون

[لورااا]

بصراحة زمنا زمن الفتن والعياذ بالله

أنتشوف العجب

لاحول ولا قوة إلا بالله

بالأول والأخير الواحد لازم يصون نفسه قبل غيره ............. يتقي نفسه وأهله من شر الفتن

حاسبوا أنفسكم قبل أن تحاسبوا

مافي إنسان ما يغلط ............. بس الحلو لما يعرف غلطته ويصلحه ويرجع لربه ويتوب

النصيحة مهمة بزمنا .......... والوقفة ويا المحتاج شي لا يعوض بثمن وربي

الحمدلله رب العالمين

كل ما الزمن يطور يزيد البلاوي فيه ....... من التلفزيون للتليفون للمبايل للإنترنيت ........ اللبس الموضة السينما المقاهي الكوفيات السهرات ............. لل............. إلخ

الدنيا للزوال مالنا إلا أعمالنا

الصراحة الموضوع وااايد كبير ومب سهل ولو تكلمت فيه وتعمقت ما بخلص

أحب أنصح كل وحدة وكل واحد بخوف رب العالمين بقلبه

هذه نصيحة من قلبي ............... واااايد ناس غلطوا وطاحوا بالمشاكل بس حلوة لما تاخذ درس منه وتستفيد وتنصح غيرك فيه

(( إن لم تستحي فاافعل ماشئت )) ....


الله يحفظكم يااارب

تسلم أخوي أحمد على الموضوع

ودمت لنا ذخرا لامعا وللأبد

والسلام خير ختام السلام عليكم ورحمة الله وبركاته